Венгриянинг Дьёр шаҳрида шахмат бўйича 16 ёшгача бўлган спортчилар ўртасида ўтказилган Бутунжаҳон ёшлар олимпиадаси ниҳоясига етди.

Сўнгги 10-тур учрашувида Сербия термасига қарши баҳс юритган Ўзбекистон терма жамоаси 1,5:2,5 ҳисобида имкониятни бой берди. Шу тариқа, ҳамюртларимиз Бутунжаҳон шахмат олимпиадасида 10 очко жамғариб, 54 жамоа ўртасида 26-ўринни эгаллади. Терма жамоамиз 10 та учрашувдан 4 тасида зафар қучди. Яна шунча ўйинда имконият бой берилди. Икки баҳс дуранг натижа билан якунланди.

Бутунжаҳон ёшлар олимпиадасида умумжамоа ҳисобида Ҳиндистон терма жамоаси биринчи, Россияликлар иккинчи, эронлик интелектуаллар учинчи ўринни эгаллашди.