Осиё кубоги-2015га тайёргарлик кўраётган Саудия Арабистони ва Жанубий Корея терма жамоалари бугун ўзаро ўртоқлик ўйинида майдонга тушишди.
Учрашувда кореяликлар ғалаба қозонишди. Ҳар иккала гол иккинчи бўлимда киритилди. Дастлаб саудиялик Усама Ҳавсавий ўз дарвозасини ишғол қилиб қўйган бўлса, ўйин сўнгида Чо Йонг Чол ўз ҳисобига гол ёзди.
Эслатиб ўтамиз, бир неча куни аввал Саудия Арабистони ўртоқлик ўйинида Баҳрайнга 1:4 ҳисобида имкониятни бой берганди.
Саудия Арабистони Осиё кубогидаги дастлабки ўйинни 10 январь куни Хитойга қарши ўтказади. Ўзбекистон терма жамоасининг ушбу рақиб билан ўйини 18 январь кунига белгиланган.
