21 декабрь куни йўлларидаги шамоллаш туфайли касалхонага ётқизилган бокс қироли Муҳаммад Алининг тузалиши тез кечмоқда ва шу ҳафтанинг охирида у уйига қайтиши мумкин. Бу ҳақда 72 ёшли боксчининг қизи Лайло СNN телеканалига маълум қилди.

«Отамнинг саломатлиги ҳақида мендан жуда кўп сўрашмоқда. Шуни айтишим мумкинки, унинг аҳволи яхшиланиб боряпти», — дейди Лайло Али отасининг енгил шамоллашни бошидан кечирганини айтар экан.

Таъкидлаш лозимки, жаҳоннинг мутлақ чемпиони 1984 йилдан бери Паркинсон касаллиги билан оғриб келади.
Муҳаммад Али — дунёнинг энг таниқли спортчиларидан бири ҳисобланади. Америкалик профессионал боксчи оғир вазнда саккиз йил давомида жаҳоннинг мутлақ чемпиони бўлган, беш йил давомида “Йил боксчиси” номига эга чиққан.

1960 йилги олимпиада чемпиони 1987 йилда Бокс шон шуҳрати залидан, 1990 йилда Халқаро бокс шуҳрати залидан жой олган. У профессионаллар орасида 61 жанг ўтказиб, 56 тасида ғалаба қозонган, шундан 37 таси нокаут билан якунланган.