"Милан" ва Украина терма жамоаси собиқ ҳужумчиси Андрей Шевченко "Реал" бош мураббийи Карло Анчелотти ҳақида фикрларини билдирди.
"Карло ҳақида сўзлай бошласам, юзимда табассум уйғонади, чунки у ажойиб инсон ва ажойиб мураббий. Менинг у билан ишлаган вақтларимдан фақат яхши хотиралар қолган, биз ҳалигача дўстмиз. У "Реал" билан чемпионлар лигасида ғолиб бўлганда жуда хурсанд бўлдим.
Мавсум улар учун оғир бошланган эди, аммо оқибатда улар ғолиб чиқдилар. Унинг қўл остида "Реал" қандай ўйин кўрсатаётганлиги, ўйинчиларнинг бир-бирини қандай тушунишлари ақлга сиғмайди. Бу унинг ажойиб ишларининг натижасидир, лекин ёдда тутиш кераккки, унда аъло даражадаги ўйинчилар бор ва ҳар доим бўлган", - дейди Шевченко.