"Барселона" ҳужумчиси Лионель Месси жамоа машғулотида иштирок эта олмаганидан афсусда эканини маълум қилди.
Хабар қилинишича, аргентиналик футболчи гастроэнтерит билан оғриб қолган. Каталония жамоасининг машғулоти болалар учун махсус очиқ ҳолда ўтказилган. Жамоа устози Луис Энрике Мессининг машғулотда иштирок этмаганлигидан норози бўлган. Шунингдек, футболчи жамоа шифокорларига мурожаат қилмагани ҳам хабар қилинган эди.
"Машғулотда иштирок этган бўлар эдим. Аммо бу фақат ўзимга боғлиқ эмас эди. Барча болаларнинг орзулари ушалсин", - дея Мессининг сўзларини келтиради Marca.
Таъкидлаш жоиз, Месси жамоа билан шифохонага бормаган. Жамоа ҳар йили шу вақтда шифохонага ташриф буюради.
