“Реал” жамоаси ҳужумчиси Криштиану Роналду португал футболи тарихидаги энг яхши футболчи учун таъсис этилган совринга лойиқ деб топилди. Бу ҳақда "Marcа" нашри хабар берган.

Бу мукофот Португалия футбол федерацияси томонидан унинг Лиссабонда бўлиб турган агенти Жорже Мендешга топширилган.

Қайд этиш керакки, бу ном учун ўтмишнинг афсонавий футболчиси Эйсебио ҳамда Португалия терма жамоасининг узоқ йиллик сардори Луиш Фигу ҳам даъвогарлик қилишган эди, лекин Роналду ҳаммадан кўпроқ овоз олган.

“Мен бундай даражадаги футболчи билан бирга ишлашимдан ҳамда у билан ватандош эканимдан фахрланаман. У асримизнинг энг яхши футболчиси”, – дейди Мендеш.