"Зенит" ва "Динамо" клубларини собиқ спорт директори Константин Cарсания Россия спорт вазири Виталий Мутконинг ЕОИҲ (Евроосиё иқтисодий ҳамкорлиги) футболчилари футболчиларидан легионер мақомини олиб ташланиши масаласига ўз фикрини билдирди.
- Спорт вазирлиги ЕОИҲ давлатлари футболчилари учун легионер мақомини олиб ташлаш масаласини кўриб чиқмоқчи. Бу Россия лигасига қандай таъсир қилади?
- Ҳеч қандай. Бу қарорнинг бизнинг чемпионатимизга иссиғи ҳам, совуғи ҳам йўқ. Агар ЕОИҲ давлатлари футболи ривожланган бўлганида эди - бошқа гап. Аммо Беларус, Арманистон, Қозоғистон,бунинг устига Қирғизистон ҳақида бундай деб бўлмайди, тўғрими?
- Тўғри.
- Балки, беларуслик ёш футболчилар чиқиши мумкин, у ерда мактаблар ҳар доим яхши ишлаган. Аммо ҳозирда иқтидорли юлдузчаларни кўрмаяпман. Камида Беларус миллий ва ёшлар термаларида ўйнаётганларнинг ичида. Бу ўйинларни доим кузатаман.
- Арманистонда ҳозир Ўзбилиз ва Мовсисян савиясидаги ўйинчилар борми?
- Менимча, йўқ. Энг яхшиси - Мхитарян, аммо у Дортмундда. Агар ЕОИҲ давлатлари футболчилари легионер ҳисобланмаса, бундан "Спартак" ютиши мумкин, шунда ҳам ўша вақтда Ўзбилиз ва Мовсисян ўша ерда қолса.
- Қозоғистонда қизқиқарли кадрлар борми?
- Йўқ. Яқинда бу мавзуда Қозоғистон терма жамоаси бош мураббийи Юрий Красножан билан гаплашдим. Дарвоқе, Қозоғистон чемпионатида россияликлар легионер ҳисобланмаса, у ерда россиялик футболчилар кўпайиши мумкин. У ерда 4-5 клубда молиявий жиҳатдан бақувват, ойлик 30 минг доллар атрофида. Ҳозирги курсни ҳисобга олганда - бу жуда яхши", - дейди Сарсания.
http://vesti.kz/kazfutbol/199537/
