"Реал Мадрид" ва Хорватия терма жамоаси футболчиси Лука Модрич Криштиану Роналду ҳақидаги саволга жавоб берди.
Хорватияликлар душанба куни бўлиб ўтадиган Миллатлар лигаси гуруҳ босқичининг якуний турида португалияликларни ўз майдонида қабул қилади. Португалияга қарши ўйин арафасида Роберто Мартинес Криштиану Роналду клубга муддатидан олдин қўйиб юборилишини, шунинг учун ўйинда иштирок этмаслигини маълум қилди.
"Криштиану ўйинга келмаганига афсусдаман, - дейди Модрич. - Унга қарши ўйнаш ҳар доим ёқимли. Умид қиламанки, келажакда биз яна майдонда учрашамиз. Қачонлардир бу яна такрорланишини истайман," - деди 39 ёшли ҳавбек матбуот анжуманида.
