"Real Madrid" va Xorvatiya terma jamoasi futbolchisi Luka Modrich Krishtianu Ronaldu haqidagi savolga javob berdi.
Xorvatiyaliklar dushanba kuni bo‘lib o‘tadigan Millatlar ligasi guruh bosqichining yakuniy turida portugaliyaliklarni o‘z maydonida qabul qiladi. Portugaliyaga qarshi o‘yin arafasida Roberto Martines Krishtianu Ronaldu klubga muddatidan oldin qo‘yib yuborilishini, shuning uchun o‘yinda ishtirok etmasligini ma’lum qildi.
"Krishtianu o‘yinga kelmaganiga afsusdaman, - deydi Modrich. - Unga qarshi o‘ynash har doim yoqimli. Umid qilamanki, kelajakda biz yana maydonda uchrashamiz. Qachonlardir bu yana takrorlanishini istayman," - dedi 39 yoshli havbek matbuot anjumanida.
