"Навбаҳор" бугун Наманганда ташкил этилган иккинчи ўқув-машғулот йиғинини якунлади.
Эрталабки машғулотлар якунлангач, футболчиларга икки кунлик таътил эълон қилинди. Режага кўра “Навбаҳор” навбатдаги йиғинларни Тошкентда ўтказади. Айнан шу мақсадда клуб аъзолари 19 январ куни пойтахтда тўпланишади. Навбатдаги машғулотлар эса феврал ойига қадар давом этади. Наманганликлар шу вақт оралиғида Тошкентдаги муҳташам “Ўзбекистон” меҳмонхонасида истиқомат қилиб, машғулотларда қатнашишади.
Ушбу йиғин давомида бир қатор ўртоқлик учрашувларининг ўтказиш ҳам режалаштирилган. Шу билан биргаликда, Тошкентдаги йиғинда таркибга беларуслик ҳимоячи Юрий Рижко ҳам қўшилади. Шунингдек, сербиялик ҳужумчи Александар Лепосавични "Навбаҳор" ихтиёрига етиб келиши кутилмоқда. Айни пайтда футболчига Ўзбекистон визасини олиш борасида ЎФФга тегишли хужжатлар жўнатилган. Агар ҳаммаси режа асосида кечса янги ҳафтани бошида Лепосавич Ўзбекистонга етиб келади.
Пойтахт йиғинида бошқа янги ўйинчиларни қўшилишини эътироф этиш жоиз.
