“Реал” жамоаси ҳужумчиси Криштиану Роналдуга Испания Футбол федерацияси томонида икки учрашувдан иборат дисквалификация жазоси белгиланди.

У 24 январь куни Ла-Лиганинг 20 турида сафарда “Кордоба” жамоасига қарши ўтган ўйиннинг 82-дақиқасида рақиб футболчиси Эдимарнинг оёғига қасддан жароҳат етказиши мумкин бўлган зарба берган ва қизил карточка олиб, майдондан чиқиб кетган эди.

Ўтган ҳафта мобайнида унинг профессионал футболчига ярашмайдиган бу хатти-ҳаракати учун 12 ўйиндан иборат дисквалификация қўлланиши мумкинлиги ҳақидаги хабарлар тарқалган эди.

Энди у жамоанинг кейинги икки турда 31 январь куни “Реал Сосьедад” ва 4 февраль куни “Севилья”га қарши кечадиган учрашувларини ўтказиб юборади. Лекин у 7 февраль кунига белгиланган дербида, Мадриднинг иккинчи жамоаси бўлган “Атлетико”га қарши ўйинда майдонга туша олади.