“Локомотив” ўнг қанот ҳимоячиси Иброҳим Раҳимов БААдаги ўқув-йиғинлар давомида ўнг оёқ тиззасидан жароҳат олган эди. Шу сабабли у “Локомотив”нинг барча ўртоқлик учрашувларини ўтказиб юборишга мажбур бўлди.

Кеча Иброҳим Раҳимовнинг ўнг тиззаси Москвада операция қилинди. Жарроҳлик амалиёти яхши ўтди. Бироқ Раҳимов бир ой мобайнида майдонга қайта олмайди.

Айни вақтда Раҳимов Москвадаги шифохоналардан бирида бўлиб турибди. У 31 январь куни Тошкентга қайтади ва даволанишни шу ерда давом эттиради.