Бугун тунда Вольфсбург ва Бавария ўртасидаги учрашув билан Германия Бундеслигаси иккинчи даврасига старт берилди.
Иккинчи давранинг илк учрашуви эса турнир жадвалининг энг юқорисидан ўрин олган икки жамоа ўртасидаги бўлиб ўтади. Чемпионатда энг яқин таъқибчисидан 11 очко илгарилаб кетган Бавария айни дамда 44 очко билан Бунделигада пешқадамлик қилмоқда. Иккинчи ўринда эса, айнан бугун ўз уйида пешқадамни қабул қиладиган Вольфсбург бормоқда - 34 очко.
Чемпионатнинг биринчи даврасидаги энг кутилмаган натижа бу Дортмунднинг Боруссия клубининг пастга шўнғиши бўлди. Биринчи давра баҳсларида кетма-кет мағлубиятга учраган Боруссия, кейинчалик ўзига келиб олиши анча қийин бўлди ва улар биринчи даврани 17-ўринда якунлашди. Юрген Клопп жамоаси биринчи даврада 15 очко тўплай олишди ҳолос. Охирги ўринда бораётган Фрайбург ҳисобида ҳам 15 очко мавжуд.
Германия Бундеслигаси, 18-тур
31 январь
"Вольфсбург" - "Бавария"
"Шальке" -"Ганновер"
"Майнц" - "Падерборн"
"Гамбург" - "Кельн"
"Штутгарт" - "Боруссия" М
"Фрайбург" - "Айнтрахт"
"Байер" - "Боруссия" Д
1 февраль
"Вердер" - "Герта"
"Аугсбург" - "Хоффенхайм"
