"Интер" ҳужумчиси Мауро Икарди А сериянинг 21-турида "Сассуоло"га қарши учрашувдан сўнг (1:3) жамоа мухлислари билан жанжаллашгани учун жаримага тортилди, дея хабар беради Gazzetta dello Sport.
Манбада келтирилишича, аргентиналик футболчи мухлислар билан муносабатда ўзини тута олмагани учун ойлик маошининг 30 фоизидан айрилди.
Эслатиб ўтамиз, учрашувдан сўнг Икарди мухлислар олдига келиб, уларга футболкасини отган. Мухлислар футболкани қайтариб футболчининг ўзига отганлар, бу унинг аччиғини чиқарган ва улар билан жанжаллашиб кетган.