"Барселона" жамоасининг собиқ футболчиси ва мураббийи Хави клуб президентлиги учун ўтказиладиган сайловларда Жоан Лапортага қарши чиқмоқда. Хави Виктор Фонт иштирокидаги оммавий тадбирда қатнашди ва унинг номзодини қўллаб-қувватлади. Бу ҳақда Испаниянинг "Sport" нашри хабар бермоқда.

Эслатиб ўтамиз, Жоан Лапорта яқинда янги муддатга ўз номзодини қўйиш имкониятига эга бўлиш учун истеъфога чиққан эди.

Маълумот учун, Хави 2023/2024 йилги мавсум якунида "Барселона" бош мураббийи лавозимини тарк этганди. Шундан сўнг Каталония жамоасини Ханс-Дитер Флик қабул қилиб олди.

Шанба куни, 28 февралда, "Барселона" Испания чемпионати доирасида ўз майдонида "Вильярреал"га қарши ўйин ўтказади.