Лондоннинг «Вест Хэм» клуби вингери Жаррод Боуэн жорий мавсум якунида жамоасини ўзгартириши мумкин. Бу ҳақда «Teamtalk» журналистлари хабар бермоқда.
Манбага кўра, Жарродни ўз сафига қўшиб олишга «Манчестер Юнайтед» ва «Тоттенхэм» клублари жиддий қизиқиш билдирмоқда. «Болғачилар» эса ўз етакчисини камида 60 миллион еврога баҳоламоқда. Боуэннинг клуб билан амалдаги шартномаси 2030 йилнинг ёзигача мўлжалланган.
Жорий мавсумда Жаррод Боуэн «Вест Хэм» сафида барча турнирларда 29 та ўйинда иштирок этиб, 8 та гол урди ва 4 та голли узатмани амалга оширди.
Айни дамда «Вест Хэм» АПЛ турнир жадвалида хавфли — қуйига тушиб кетиш ҳудудида бормоқда. Агар жамоа Чемпионшипга равона бўлса, юлдуз футболчининг сотилиши деярли аниқ бўлади.
