"Арсенал" бош мураббийи Арсен Венгер "Тоттенхэм"га қарши учрашувда ўйин қаҳрамони бўлган "шпорлар" ҳужумчиси Харри Кейн ҳақида илиқ фикрларни билдириб ўтди.
"У бугунги ўйинни ҳар доимгидек юқори савияда ўтказди. Кейн ўсишда давом этяпти. Агар шунча гол ураётган футболчи яқин вақт ичида Англия термасига чақирилмаса, у ҳолда уни бошқа биров илиб кетиши мумкин", - дея championat.com The Independence нашрига таяниб Венгер фикрларини келтиради.
Қайд этиш жоиз, Кейн Англия термасидаги дебютини 27 март санасига белгиланган Литвага қарши ўртоқлик учрашувида ўтказиши мумкин.
