“Говерла”да тўп сураётган ҳамюртимиз Максим Шацких собиқ жамоаси Киевнинг “Динамо” клубининг чемпионат ва Европа Лигасидаги имкониятларига баҳо берди.
“Асосийси, улар биринчи давра охирида кўрсатган ўйинларини кўрсатишлари керак. Мен йиғинлар ҳақидаги маълумотларни кузатиб боряпман, ҳозирча ҳаммаси жойида. Улар тўғри йўналиш бўйича ҳаракатланишяпти. Ҳозирча имкониятлар ҳақида гапиришга эрта, ҳали ҳамма билан ўйнаш керак, “Шахтёр” ва “Днепр” билан ҳам”, - деб euro-football.ru сайти UA-NEWS нашрига таяниб Шацкихнинг сўзларидан келтиради.
“Европа Лигаси? Биринчи давра охиридаги ўйинлари билан улар камида ярим финалга чиқишлари керак! Ўзларини кўрсатадиган вақтлари келди”, - дейди терма жамоамизнинг собиқ ҳужумчиси.
