Ўзбекистон Олимпия аёллар терма жамоаси айни дамда Эронда бўлиб турганидан хабарингиз бор. Терма жамоамиз бош мураббийи Вячеслав Солохо шогирдлари бугун мезбонларга қарши иккинчи ўртоқлик учрашувини ўтказди. Биринчи ўйиндаги каби устунликка эга бўлган футболчи қизларимиз бу сафар тенгқурларига умуман имконият қолдирмади.

Шоҳида Тожиддинова 30-дақиқада термамизнинг голлар шоусини бошлаб берган бўлса, иккинчи бўлимда Феруза Турдибоева дубль қайд этган бўлса, Нилуфар Қудратова ва Нозима Камолтоева бир мартадан рақиб дарвозасини ишғол қилиб, жамоамизнинг йирик ғалабасини таъминлади. Бунга мезбонлар атиги битта тўп билан жавоб қайтишди. 5:1.

Ўртоқлик учрашуви
10 февраль, Теҳрон, "Арман маданият" стадиони.
Булутли, ёмғир, +8..10 С.

Эрон - Ўзбекистон - 1:5 (0 : 1, 1 : 4)
Ўзбекистон: Лайло Тилолова (К) (Мафтуна Жонимқулова-80), Шоҳида Тожиддинова, Елена Лагуткина, Мафтуна Шоимова, Дилноза Бектемирова, Мардона Эламасова, Умида Зоирова, Феруза Турдибоева (Нозима Камолтоева-77), Зумрад Назарова, Нилуфар Қудратова (Моҳигул Икромова-78 ), Шахноза Қурбонова (Нодира Муйдинова-69).
Голлар: 1:0 - Ш. Тожиддинова (30), 1:1 - (50), 2:1 - Ф. Турдибоева (55), 3:1 - Нилуфар Қудратова (67), 4:1 - Феруза Турдибаева (76), 5:1 - Нозима Камолтоева (89).

Эслатиб ўтамиз, 8февраль кунги биринчи учрашувда Олимпиячи қизларимиз минимал ҳисобда ғалаба қозонган эди. Энди улар навбатдаги баҳсни ҳам Эрон термасига қарши 12 февраль куни ўтказади.