"Манчестер Сити" яримҳимоячиси Самир Насри ўз жамоасининг "Челси"ни қувиб етиб, ундан ўзиб кетишига ишонмоқда.
Ҳозирда "шаҳарликлар" "аристократлар"дан етти очко ортда бормоқда.
"Мен Жозе Моуриньонинг ашаддий мухлисиман, аммо унинг жамоаси мени қойил қолдирмаяпти. Биз "Челси" билан икки марта ўйнадик, ҳар сафар улардан яхши ўйнадик. "Челси"нинг ўйинларини кузатиб, уни фантастик жамоа дея олмайман. У шунчаки кучли ва яхши ҳужум қила олади, холос. Ҳеч қандай ўзгача сифати йўқ.
Ўйлашимча, "Челси" яна хатоларга йўл қўяди. Биз эса ўз ўйинларимизни ютишимиз керак. Чемпионлик учун кураш охиригача давом этади. Ҳеч ким чемпионат тугашидан 10 тур олдин чемпионликни нақд қила олмайди. Биз ғалаба қозонаверсак, рақибга босим тушиши мумкин", - дейди Насри.