"Челси" ҳимоячиси Бранислав Иванович жамоа бош мураббийи Жозе Моуриньо ҳақида дил изҳорларини билдирди.
"Мисол келтира олмайман, аммо Моуриньо машғулотларда тез-тез ҳазиллашиб туради. Уни "ўзгача" (The Special One) деб атайдиларми? Мен уни "етук" (The Perfect One ) деб атаган бўлар эдим. Шу ном унга мос келади.
Унинг натижалари ҳаммасини айтиб турибди. У ақлли мураббий - ўзи нимани хоҳлаётганини яхши билади. У жамоадан, ҳар бир ўйинчидан нима талаб қилишни ва тушкунлик чоғида бундан қандай чиқишни билади.
Жозе билан ишлаш - мен учун ўзгача завқ ва шарафдир", - дейди Иванович.
