Саудия Арабистонининг "Ал-Ҳилол" клуби бугун ўз майдонида "Локомотив"ни қабул қилади. Кеча бўлиб ўтган матбуот анжуманида жамоада вақтинчалик бош мураббий вазифасини бажараётган Чиприан Панаит ғалабага умид қилаётганини таъкидлаб ўтди.
"Бу менинг жамоа билан бор-йўғи иккинчи ўйиним бўлади. "Ал-Аҳли"га қарши миллий чемпионат ўйини (1:1) учун мени мақтаганларга миннатдорчилик билдираман.
"Ал-Ҳилол" ўйинчиларининг кўпчилиги Осиё кубоги-2015да Ўзбекистонга қарши ўйинда иштирок этишди. Бу эса бизга рақибни яхшироқ билишда ёрдам беради. Мен рақиб жамоани ўргандим. "Локомотив" яхши жамоа, унинг сафида бир нечта кучли ўйинчилар бор. Умид қиламан, жамоамиз яхши ўйин кўрсатиб, ижобий натижани қўлга киритади", - дейди руминиялик мутахассис.
