“Челси” бош мураббийи Жозе Моуриньо “Барселона” ҳужумчиси Лионель Мессини бошқа клуб футболкасида тасаввур қиоломаслигини маълум қилди. Аввалроқ португалиялик мутахассис Мессининг “кўклар” таркибига кўчиб ўтиши ҳақидаги миш-мишларни рад этганди.
“Назаримда, Месси бутун умр фақат “Барселона”да ўйнайдигандек. Балки мен янглишаётгандирман. Ахир ҳеч ким воқеаларнинг келажакда қандай ривожланиши аниқ билмайди.
Аммо ўйлашимча, “Барселона” клуб учун жуда катта аҳамият касб этувчи футболчини бошқа жамоага қўйиб юбормаса керак. Шунинг учун ҳам Мессини бошқа либосда тасаввур қилолмайман”, - дея La Gazzetta dello Sport нашрига таяниб Моуриньо фикрларини келтиради championat.com.
