"Интер" бош мураббийи Роберто Манчини Италия чемпионатининг 25-турида "Фиорентина"га қарши учрашув олдидан рақиб устози Винченцо Монтеллани мақтаб ўтди.
Таъкидлаш жоиз, Манчини ва Монтелла қисқа вақт давомида "Сампдория" сафида ўйнаганлар.
"У мен туфайли кўп гол урган! У билан ёнма-ён ўйнаш завқли эди. У яхши йигит ва ҳозирги даражасига лойиқ. Унинг қўл остида "Фиорентина" ҳақиқатдан ҳам яхши ўйнамоқда.
Монтелла исталган клубда, ҳатто катта клубларда ҳам ишлаш учун тажрибага эга. Аммо ёш мураббий ўзига яхши шариот яратиб берадиган клубда ишлагани маъқул", - дейди Манчини.
