“Манчестер Юнайтед” ҳужумчиси Уэйн Руни АПЛ 27 туридан ўрин олган “Сандерленд” жамоасига қарши ўйинда 2 гол киритди ҳамда ўзига хос рекорд ўрнатди.

У ўзининг бу голлари билан яқин ўтмишнинг энг омадли ҳужумчиларидан бири Алан Ширернинг натижасига етиб олди. Бу икки футболчи АПЛ тарихида 11 мавсум давомида 10тадан ортиқ гол урган футболчилар бўлиб туришибди.

Лекин, Руни ўз голларини кетма-кет 11 мавсум давомида киритгани билан Ширердан фарқланади.

Маълумот учун, Френк Лемпардда ҳам АПЛнинг 10 мавсуми давомида 10тадан ортиқ гол уриш бўйича кўрсаткич мавжуд ва у ҳали ўйнашда давом этмоқда.