Италия чемпионатининг 25-турида "Кьево" - "Милан" учрашуви 15 дақиқа кечикиб бошланди.
Икки жамоа шу тариқа ушбу мавсум маош олмаётган "Парма" футболчиларини қўллаб-қувватлашларини билдирдилар. Энди А сериянинг барча ўйинлари 15 дақиқа кечикиб бошланади.
Эслатиб ўтамиз, "Парма" жиддий молиявий муаммоларни бошдан кечирмоқда. Клубнинг банкротлик масаласи 19 март куни кўриб чиқилади.