28 февраль куни Польша пойтахти Варшавада бошланган дзюдо бўйича Очиқ чемпионатда Ўзбекистон терма жамоаси аъзоси Шарофиддин Лутфиллаев 60 килограммгача бўлган вазн тоифасида ғолиб бўлди.

У финалда яна бир ўзбекистонлик дзюдочи Диёрбек Ўразбоевни мағлуб этди.

Турнирнинг илк кунида бу олтин ва кумуш медалдан ташқари, терма жамоа ҳисобига иккита бронза медал ёзилган. Ришод Собиров (66 кг) ва Шарофиддин Болтабоев (73 кг) учинчи ўрин учун баҳсларда ғолиб болган.

Мусобақанинг иккинчи ва кейинги кунларида Наврўз Жўрақобилов (73 кг), Шуҳратжон Арслонов (81 кг), Шаҳзод Собиров (81 кг), Яҳё Имомов (81 кг), Дилшод Чориев (90 кг), Шерали Жўраев (90 кг), Фахриддин Шарипов (100 кг), Рамзиддин Саидов (100 кг), Элёр Машарипов (+100 кг) каби дзюдочилар Ўзбекистон шарафини ҳимоя қилади.