“Челси” клуби Англия лигаси кубогида ғалаба қозонганидан сўнг, бош мураббий Жозе Моуриньюнинг энг самарали мутахассислардан бири экани яна бир бор ўз исботини топди. Бироқ бу борада португалиялик мутахассисдан ҳам самаралироқ мураббийлар бор.

Европадаги энг самарали мураббий “Барселона”ни олтин даврида жамоани бошқарган Хосеп Гвардиола ҳисобланади. У 378та учрашувда мураббийлик қилиб, 19та совринни қўлга киритган. Ҳар 19.89-учрашувда битта соврин.

Самаралилик борасида иккинчи ўрин 1970 йилларда “Ливерпуль”ни бошқарган Боб Пэйслига тегишли. Пэйсли бошчилигидаги жамоа 535та учрашувда 20та совринга эга бўлган. Ҳар бир соврин учун ўрта ҳисобда 26.75та учрашув ўтказилган.

Жозе Моуринью эса учинчи поғонада – 727 та учрашувда 21та соврин, яъни ҳар бир соврин учун 34.6та учрашув.

Португалиялик мутахассис Гвардиола ва Пэйслини совринлар сони бўйича ортда қолдирган. Совринлар борасида энг кўп зафар қучган мураббий – сэр Алекс Фергюссон (44та соврин) ҳисобланади.