«Барселона» бош мураббийи Луис Энрике «Райо Вальекано»га қарши ўйиндан кейин (6:1) ўз фикрларини билдириб ўтди.
«Ҳар қандай ғалабани қўлга киритиш осон эмас, боиси ҳар бир ўйинда маълум қийинчиликлар бўлади. Ғалаба қозониш шартлиги ўйинчиларни руҳлантиради, аммо ортиқча босим ҳам юклаши мумкин. Муҳими — бундай вазиятдан қандай чиқиб кетиш. Ҳозирда мавсумнинг ҳал қилувчи босқичи бошланмоқда. Биз мазкур синовга тайёрмиз, деб ўйлайман. Биз ўзимиз орзу қилган ўринга кўтарилдик. Энди эҳтиёт бўлишимиз керак. Кейинчалик ҳам ғалаба қозонишда давом этиш учун ўйинимиз савиясини кўтаришимиз керак.
Суареснинг жамоага тегаётган фойдаси ошиб бормоқда. Ракитич эса мавсумнинг энг яхши харидларидан бири. Хави ва Иньеста бугун яхши ўйин кўрсатишди. Уларнинг узатмаларидан кейин тўп доимо ҳужумчиларга етиб бориб турди», – дейди Энрике.
