"Милан" бош мураббийи Филиппо Индзагининг кейинги фаолияти ҳали ҳамон номаълумлигича қолмоқда.
Куни кеча "Милан" президенти Силвио Берлускони ушбу масалада клуб вице-президенти Адриано Галлиани билан суҳбатлашмоғи керак эди.
Аммо Берлускони учрашувни бекор қилди ва Индзаги масалада қарор чиқаришдан олдин вазиятни чуқур ўрганишга қарор қилди.
Эслатиб ўтамиз, шанба куни "Милан" "Верона" билан 2:2 ҳисобида дуранг ўйнади, ғалабани сўнгги сонияларда қўлдан чиқарди.
Аввалроқ, Индзаги ўрнига ёшлар жамоаси бош мураббийи Кристиан Брокки эгаллаши ҳақида хабарлар тарқалган эди.