"Бавария"нинг голландиялик футболчиси Арьен Роббен мюнхенликлар сафини тарк этишга тўғри келса, Англиянинг "Манчестер Юнайтед" клубига қўшилишини таъкидлади.
"Ишончим комил, Ван Гал — омадли мураббий. Кучли жамоани шакллантириш учун унга вақт керак. Агар "МЮ" Англия кубогини қўлга киритса ва чемпионатда Чемпионлар лигасига йўлланма берадиган ўринни қўлга киритса, жамоа учун яхши мавсум ҳисобланади.
Ван Гални танқид қилиш керак эмас. Ўтган йилги мавсум бундан ҳам ёмон бўлганини унутманг. Улар ёмон ўйин кўрсатишди ва еврокубоклар йўлланмасини қўлга киритишмади. Ишончим комил, Ван Гал "МЮ"ни Чемпионлар лигасига қайтаради.
Менинг оилам Германиядаги ҳаётдан қониқиш ҳосил қилмоқда. Менга эса "Бавария" ёқади. Мен ўйинда мароқланяпман. Агар "Бавария"ни тарк этишга қарор қилсам, "МЮ"га ўтаман". Лекин мени "Бавария"да барча нарса қаноатлантираётганини Ван Гал тушуниб турибди", - дейди Роббен.
Арьен Роббен Германия чемпионатининг ушбу мавсумида 20та ўйинда майдонга тушиб, 17та гол урди ва 7та голга ассистентлик қилди.
