«Сўғдиёна» янги мавсум олдидан янги футболчиларин таништириш маросимини ўтказди. Тадбир жамоа қароргоҳида бўлиб ўтди.

Тадбирнинг дастлабки қисмида Жиззах вилояти футбол федерацияси вице-президенти Эргаш Ўринов сўз олиб, барчани миллий чемпионатимизнинг бошланаётганлиги билан табриклади ва омад тилади.

Жамоа бош мураббийи Даврон Файзиев қишки йиғинлар ва жамоа олдига қўйилган вазифалар ҳақида қисқача тўхталиб ўтди. Шундан сўнг жамоага таклиф этилган футболчилар таништирилиб, уларга мавсумда ҳаракат қиладиган рақамлари туширилган либослар тақдим этилди.

Жамоанинг асосий дарвозабони Михаил Наумов (“Насаф” жамоасидан таклиф этилган) — 1, иккинчи дарвозабон Михаил Спиридонов – 31 (“НБУ-Осиё”), ҳимоячилар Акбар Саттаев – 5 (“Навбаҳор), Сайдулло Раҳматов – 22 (“Нефтчи”), ярим ҳимоячилар Элёр Жаҳонов – 13 (“Навбаҳор”), Музаффар Музаффаров – 17 (“Нефтчи”), Санжар Рихсибоев – 28 (“Бунёдкор”), Муқим Тошматов – 40 (“Шўртан”), Азатов Ал-Саламу – 37, ҳужумчи Анвар Ражабов – 9 (“Бухоро”) рақамларда тўп суришадиган бўлди.

Тадбирнинг иккинчи қисмида Э.Ўринов ва Д.Файзиевлар ОАВ вакиллари томонидан берилган саволларга жавоблар беришди. Савол-жавоблар давомида асосан “Сўғдиёна”нинг олдинги мавқеини тиклаш, жамоа академиясини очиш ва уни тўғри йўлга қўйиш, молиявий аҳвол, янги стадион, ушбу масумда жамоа олдига қўйилган вазифалар ҳақида кўпроқ муҳокамалар бўлди.