Олий лига 1-туридан ўрин олган “Металлург” – “Локомотив” учрашувидан сўнг (0:0) ўтказилган матбуот анжуманининг иккинчи қисмида бекободликлар бош мураббийи ассистенти Аҳмад Ибодуллаев ўйин борасида қисқача тўхталиб ўтди.
"Ўйиндан қониқиш ҳосил қилмадим. Ўйинда бир қатор кескин вазиятларга эга бўлдик, бироқ улардан фойдалана олмадик. Ҳар икки жамоа мавсумга тўлиқ тайёр эмаслигини кўришимиз мумкин.
“Локомотив” билан дуранг биз учун сенсация эмас. Ҳамма каби биз ҳам ғалабани ўйлаб майдонга тушгандик. Умид қиламанки, “Металлург” ушбу мавсумда совринли ўринларни эгаллайди", - дея, фикрини якунлади Аҳмад Убайдуллаев.
Айтиш керакки, “Металлург” бош мураббийи Рустам Мирсодиқов бетоблиги сабабли матбуот анжуманида иштирок эта олмади.