Футбол афсонаси Пеле ҳозирги кунда энг кучли футболчилар — Месси, Роналду ва Неймар ҳақида ўз фикрларини билдириб ўтди.

"Месси бир неча йил ҳукмронлик қилди, аммо ҳозир энг кучли футболчи Роналду ҳисобланади. Лекин Лионелнинг ҳам кучли томонлари бор. Келажакда эса Неймар жаҳонда етакчиликни қўлга олади. У "Барселона"нинг етакчисига айланиши ва Бразилия терма жамоасининг йўқотилган ўрнини қайтариш учун етарли салоҳиятга эга", - дейди Пеле.

Футбол қиролининг фикрича, замонавий футболда ҳам у энг яхши ўйинчи бўлган бўларди.

"Ҳозир ҳам ўзимни майдонда бемалол тасаввур қила оламан. Юқори техника эмас, иқтидор ва ишга бўлган садоқат инсонни ҳақиқий футболчига айлантиради.

Ўз фаолиятимда нимадан афсусланаман? Иккита нарсадан: Мен ҳеч қачон олимпия ўйинларида иштирок этмаганман ва "Уэмбли"да бир марта ҳам ўйнамаганман", - дейди Пеле.