Kun.uz: Либертадорес Кубоги доирасидаги “Барселона Гуаякиль” ва “Атлетико Насьональ” учрашувида ғалати воқеа содир бўлди.
Эквадорнинг “Барселона Гуаякиль” жамоаси дарвозабони Максимо Бангера рақиб жамоанинг тўпурари Копетени тўхтатиш мақсадида жарима майдони ташқарисига югуриб чиқди. Уни тўхтатишда қўполликка йўл қўйганини тушунган дарвозабон анча муддат жойидан қимирламай, ўзини хушсизга солиб ётди. Воқеа жойига етиб келган ҳакам қўлида қизил карточка ушлаганча футболчининг ўзига келишини кутиб турди. Хуллас, бу тахлит ишлатилган айёрлик Бангерани жазодан қутқариб қола олмади. У тиббиёт ходимлари ёрдамида ўрнидан тургани ҳамон ҳакам унга қизил карточка кўрсатиб, ўйиндан четлаштирди.
