Kirish Ro'yxatdan o'tish
29/07 20:00 Dinamo 3-2 Qo‘qon-1912

Blog

Lutfullo Tursunov

La Liga bo‘yicha ekspert

"Реал"нинг 9 рекорди: Роналду уларни янгилай оладими?

Баҳо:
+0; -0

http://cs627330.vk.me/v627330467/28fd3/HBumSpZHudk.jpg

Криштиану Роналду "Реал" таркибида 2009 йилдан буён тўп суради. Шу вақт оралиғида у кўплаб натижаларни, шахсий рекордларни қўлга киритишга улгурди. Яқинда у “Қироллик клуби” либосида “Олтин тўп”га энг кўп эга чиққан футболчига айланди.

Роналду мадридликлар сафида шунчалик кўп рекордларни қайд этдики, клуб миқёсида у янгиламаган рекорд қолмагандек таассурот уйғотади. Аммо ҳали янгилаши керак бўлган рекордлар ҳам бор экан. Криштиануни яна узоқ вақт тўп суришга ва натижаларини яхшилашига ундаши мумкин бўлган ушбу марраларни санаб ўтамиз.

Ла Лигиганинг энг яхши тўпурари

Роналду"Реал" тарихидаги тўпурарликни аллақачон ўзини килиб олган. Эндиги навбат Ла Лига тўпурарлиги учун баҳсга! Рекорд Лионел Мессига тегишли, ҳозирча унинг ҳисобида Испания чемпионатида 323 гол бор. Криштиануда эса — 270.

"Реал" таркибида Класикода энг кўп гол урган футболчи

“Қироллик клуби”нинг “Барселона”га қарши ўйинларида энг сермаҳсул ҳужумчиси Алфредо ди Стефано ҳисобланади, у каталонияликлар дарвозасини 18 бор ишғол қилган. Роналду ҳисобида ҳозирча 16 гол бор.

Испания Кубогида бир мавсумда урилган голлар сони бўйича

1960/61 йилги мавсумда Ференц Пушкаш Испания кубоги доирасида 14 бор рақибларини ранжитган. Роналдунинг Кубок баҳслари бир мавсумидаги энг яхши натижаси – 7 гол.

"Реал"нинг энг кекса голеадори

Роналду "Реал"да яна 10 йил тўп суришини таъкидлади. Бу унинг келажакда Пушкаш рекордини янгилаши мумкинлигини билдиради. Ференц Пушкаш 38 ёшу, 233 кунлигида “Севилья” дарвозасини ишғол қилган. 1965 йилнинг ноябрида урилган ушбу гол орқали у ҳанузгача “Реал” таркибида гол киритган энг кекса футболчи бўлиб турибди.

"Реал" энг кекса футболчиси

"Севилья"га қарши кечган ўша ўйин Пушкаш учун "Реал" либосидаги сўнгги баҳс бўлган. Ундан кейин ҳали ҳеч бир футболчи 38 ёшу, 233 кунлигида "Реал" таркибида майдонга тушмаган.

"Реал"нинг энг тезкор голи муаллифи

1994 йили "Севилья"га қарши баҳсда "Реал" 12 сониядаёқ ҳисобни очганди. Жамоа тарихидаги энг тезкор ўша гол муаллифи чилилик Иван Саморано ҳисобланади.

"Реал" таркибида энг кўп ўйин

Қаймоқранглилар либосида энг кўп майдонга тушиш рекорди жамоанинг афсонавий ҳужумчиси – Раулга тегишли. Роналдуга бу рекордни янгилаш жуда қийин бўлади.

Айни пайтда португалиялик ҳисобида 366 ўйин бор, Раулда эса улар сони – 741та!

Роналду ҳисобида ЕЧЛдаги баҳслар сони юздан ошади, аммо уларнинг фақат 81тасини “Реал” таркибида ўтказган. Бу бўйича клуб рекорди 152 ўйин билан Икер Касильясга кегишли.

“Реал” таркибида энг кўп ўйин ўтказган легионер

Роберто Карлос 11 йил мобайнида "Реал" таркибида Испания чемпионатининг 370 учрашувида майдонга тушган. Испаниялик ҳисобланмаган бошқа бирор футболчи мадридликлар сафида бунча кўп ўйин ўтказмаган. Роналду ҳисобида ҳозирча 248 учрашув бор.

Киритилган сана: 16.12.2016 15:20. Ўкилди: 15132 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик