El Mundo Deportivo xabariga ko‘ra, xorvatyailik futbolchi Alen Halilovich "Gamburg"dan ketish uchun "Barselona"dan yordam so‘radi.
Eslatib o‘tamiz, bungacha Halilovich "Barselona"ga tegishli edi, ammo o‘yin amaliyotiga ega bo‘lmagani uchun transferga qo‘yishlarini so‘radi. Kataloniyaliklar uni Primera klublaridan biriga berishi mumkin edi, ammo futbolchining o‘zi Bundesligani tanladi.
Natijada "Barsa" Halilovichni 5 million yevroga sotdi va o‘zida 10 million yevroga qayta sotib olish huquqini qoldirdi.
"Gamburg"da yosh futbolchining ishlari yurishmadi va birinchi davrada 6 uchrashuvda maydonga tushdi, xolos. Shundan so‘ng klubini o‘zgartirishga qaror qildi va "Barselona" sport direktori Robert Fernandesga qo‘ng‘iroq qildi.
