El Mundo Deportivo хабарига кўра, хорватяилик футболчи Ален Ҳалилович "Гамбург"дан кетиш учун "Барселона"дан ёрдам сўради.
Эслатиб ўтамиз, бунгача Ҳалилович "Барселона"га тегишли эди, аммо ўйин амалиётига эга бўлмагани учун трансферга қўйишларини сўради. Каталонияликлар уни Примера клубларидан бирига бериши мумкин эди, аммо футболчининг ўзи Бундеслигани танлади.
Натижада "Барса" Ҳалиловични 5 миллион еврога сотди ва ўзида 10 миллион еврога қайта сотиб олиш ҳуқуқини қолдирди.
"Гамбург"да ёш футболчининг ишлари юришмади ва биринчи даврада 6 учрашувда майдонга тушди, холос. Шундан сўнг клубини ўзгартиришга қарор қилди ва "Барселона" спорт директори Роберт Фернандесга қўнғироқ қилди.
