Xitoyning «Tyanszin Sunszyan» klubi «CHelsi» hujumchisi Diyego Kosta uchun bo‘lgan taklifni yaxshiladi.

Avvalroq xitoyliklar futbolchining transferi uchun London jamoasiga 50 million funt, Kostaning o‘ziga esa 480 ming funt haftalik maosh taklif qilgandi. Angliyaliklar bu taklifga qat’iy rad javobini berishgandi.

Ma’lumotlarga qaraganda, «Tyanszin Sunszyan» transfer uchun taklifni 80 million funtgacha ko‘tarishga qaror qilishdi.

Eslatib o‘tamiz, «Tyanszin Sunszyan» klubini italiyalik Fabio Kannavaro boshqarmoqda. Avvalroq, klub Lionel Messini sotib olish va Ronaldinoni katta futbolga qaytarish niyatida ekanini ma’lum qilgandi.