"Arsenal" bosh murabbiyi Arsen Venger Angliya kubogida "Preston" ustidan qozonilgan g‘alabadan so‘ng (2:1) fikrlari bilan o‘rtoqlashdi.
"Kecha kimdir menga "Arsenal"dagi 21 yillik faoliyatim davomida Angliya kubogining bu bosqichidan hech qachon chiqib ketmaganimizni eslatgan edi. Bugun chiqib ketishimizga oz qoldi.
"Preston" juda yaxshi o‘ynadi, birinchi bo‘limda o‘zini ko‘rsatdi, ular har tomonlama bizdan tezkorroq bo‘lishdi.
Hammasi oson bo‘ladi deb o‘ylagan edik, ammo tanaffusda musobaqadan chiqib ketish haqida o‘ylab qoldik.
Bugun jipslashib o‘ynadik deb o‘ylayman, jamoaviy ruhni ko‘rsatdik, shuning uchun kambek qila oldik. Bu Angliya kubogiga xos o‘yin bo‘ldi", - deydi Venger.
