Ikkinchi yig‘in boshlanganiga ham bir haftadan oshiq vaqt bo‘lib qoldi. Bu davr oralig‘ida "Qo‘qon-1912" a’zolari mashg‘ulotlarda astoydil ter to‘kish bilan birga nazorat uchrashuvida ham ishtirok etishga ulgurishdi.

Futbolchilar kuniga ikki mahaldan mashg‘ulot o‘tkazizayotgani ta’kidlash joiz. Tarkibdagi o‘zgarishlarga kelsak, o‘tgan mavsumni Muborakning “Mash’al” jamoasi o‘tkazgan Jamshid Hasanov tarkibga kelib qo‘shildi. Ushbu yarim himoyachi bilan jamoa o‘rtasida bir yillik bitim imzolandi.

Shuningdek mashg‘ulotlarga yoshlar tarkibidan Doston Meliqo‘ziyev hamda Abror Rahmonov ham jalb qilindi. 

Javohir Sidiqov salomatligini tiklab mashg‘ulotlarga astoydil kirishdi.

Aytgancha, jamoa Otabek Zokirov bilan do‘stona xayrlashdi. Otabek Navoiyning “Qizilqum” jamoasiga borib qo‘shildi. 

Shuningdek, jamoa navbatdagi nazorat uchrashuvini 14 yanvar kuni Bekobodning “Metallurg” jamoasiga qarshi o‘tkazadi. Uchrashuv “Bunyodkor” akademiyasiga qarashli maydonda o‘tkaziladi. O‘yinning boshlanish vaqti soat 12:00 ga belgilangan.

Eslatib o‘tamiz, "Qo‘qon-1912" 8 yanvar kuni birinchi o‘rtoqlik uchrashuvida “Paxtakor”ga qarshi maydonga tushib, 1:2 hisobida mag‘lubiyatga uchrashgandi.