«Portu» prezidenti Pintu da Koshta klub rahbari bo‘lib ishlash muddati bo‘yicha yangi rekord o‘rnatdi.

Da Koshta prezident lavozimida 34 yil, 8 oy, 19 kundan buyon ishlamoqda. Natijada, 79 yoshli rahbar «Real» klubining prezidenti Santyago Bernabeu tomonidan o‘rnatilgan rekordni yangiladi. U 1943 – 1978 yillarda «Qirollik klubi»ni boshqargan edi.

Da Koshtaning prezidentlik yillarida «Portu» 20 marta Portugaliya chempioni bo‘ldi, 12 marta Kubok, 19 marta Superkubokni qo‘lga kiritdi.

Bundan tashqari, jamoa ikki marta YECHL g‘olibi (1987, 2004), bir marta UYEFA kubogi g‘olibi (2003), bir marta YEL g‘olibi (2011) va bir marta UYEFA Superkubogi g‘olibi (1987) bo‘lgan.