Italiya chempionatining 20-turi doirasida "Fiorentina" o‘z maydonida "Yuventus"ni qabul qildi va g‘alaba qozonishga muvaffaq bo‘ldi.

Bahsning 37-daqiqasida Kalinich hisobni ochgan bo‘lsa, 54-daqiqada Badel farqni ikkitaga oshirdi. Oradan 4 daqiqa o‘tib, Iguain "Yuve"ning bitta javob to‘pini kiritishga muvaffaq bo‘ldi.

Biroq Allegri shogirdlari mag‘lubiyatdan qutulib qola olishmadi. Bu "Yuventus"ning mavsumdagi 4-mag‘lubiyati bo‘ldi. Jamoa 45 ochko bilan peshqadamlikni saqlab turibdi, biroq raqiblar unga ancha yaqinlashib olishdi.

Italiya A seriyasi, 20-tur
Fiorentina – Yuventus 2:1 (1:0, 1:1)
Gollar: 1:0 – 37 Kalinich, 2:0 – 54 Badel, 2:1 – 58 Iguain.
Fiorentina – Teterushanu, Olivera, Rodriges, Astori, Badel, Sanches, Valero (Ilichich, 85), Vesino, Bernardeski (Kristoforo, 76), Kyeza (Telyo, 81), Kalinich.
Yuventus – Buffon, Bonuchchi, Kyellini, Aleks Sandro, Bardzali (Mandjukich, 79), Sturaro (Pyasa, 61), Xedira, Markizio (Rinkon, 77), Kuadrado, Dibala, Iguain.
Ogohlantirishlar: Sturaro (26), Vesino (29), Kyellini (33), Kyeza (53), Aleks Sandro (82), Bonuchchi (88), Kalinich (90), Dibala (90).