Mavsumga tayyorgarlikni Namanganda olib borayotgan "Navbahor" yoshlari bugun andijonlik futbolchilardan tashkil topgan terma jamoaga qarshi maydonga tushishdi.
O‘yin davomida yoshlar ustunlikka ega bo‘lishdi. Bu hol yakuniy natijada ham o‘z aksini topdi. Uchrashuvning birinchi bo‘limning o‘zida futbolchilar raqib darvozasini uch bor nishonga olishga erishishdi. Tanaffusdan keyin esa hisob o‘zgarmadi va yoshlar 3:0 hisobida g‘alaba qozonishdi. Gollarga Abdulaziz Jalilov (2 ta) va Akbarali Xoldorov mualliflik qilishdi.
