"Chelsi" himoyachisi Gari Kexill APLning 22-turida "Xall Siti"ga qarshi uchrashuvda (2:0) raqib himoyachisi Rayan Meyson bilan to‘qnashib ketgan vaziyatga izoh berdi.

Uchrashuvning 12-daqiqasida Kexill boshi bilan "Xall"ning ikki o‘yinchisiga urilib ketdi. Meyson bu vaziyatda og‘ir jarohat oldi va unga kislorod niqobi tutildi. Futbolchi shifoxonaga olib ketildi. Meysonning bosh chanog‘i yorilgan.

"Bu vaziyatda uzatmadan so‘ng to‘pga baland sakradim va boshimiz to‘nashib ketdi. Meysonga ng yaxshi tilaklarimni tilayman", - deydi Kexill.

"Chelsi"ning barcha o‘yinchilari Meysonga sog‘lik tilaydi. U Gari bilan yomon to‘nashib ketdi. Umid qilamizki, futbolchi tezroq sog‘ayadi va maydonga qaytadi", - deydi "Chelsi" ustozi Antonio Konte.