Ma’lumki, kecha “Buxoro” klubida yana jiddiy o‘zgarishlar yuz berdi va unga ko‘ra klubning murabbiylar shtabi ishdan bo‘shatildi.
Shuningdek, Alisher Rustamov ham o‘z vazifasidan ozod etilgandi. Ayni paytda esa jamoani qaysi mutaxassis boshqarishi mumkinligi borasida turli gap-so‘zlar avj olmoqda. Ayniqsa, buxorolik mutaxassis Usmon Toshevning bosh murabbiy sifatida ishlashini ko‘pchilik ta’kidlamoqda. Biroq uning o‘zi bu xabarlarni keskin rad etib, shunday dedi:
- To‘g‘risi, oxirgi kunlarda menga qo‘pchilik qo‘ng‘iroq qilib, “Buxoro” klubida ishlashim haqida gapirishyapti. Lekin men hozir ham instruktorlik ishim bilan mashg‘ulman. Klubga mening umuman aloqam yo‘q. Shuning uchun menga “Buxoro” jamoasidan hech kim taklif bilan chiqqani yo‘q. Mening “Buxoro”da ishlashim haqidagi xabarlar yolg‘on, - deya o‘z fikrini bildirdi, Usmon Qudratovich.
