«Real» bosh murabbiyi Zayniddin Zidan Ispaniya kubogining chorakfinalidan o‘rin olgan «Selta» klubiga qarshi javob o‘yinidan oldin o‘z fikrlarini bildirdi.
Dastlabki o‘yinda Madrid klubi 1:2 hisobida yutqazgan edi.
«Ispaniya kubogini tark etish «Real» uchun katta muvaffaqiyatsizlik bo‘lmaydi. Bu haqda umuman o‘ylamayapman.
Ayni paytda diqqat-e’tiborimni bu o‘yinga qaratganman. Afsuski bizda juda ko‘p jarohat olganlar bor. Bu esa g‘alaba qozonish vazifasini og‘irlashtiradi.
Krishtianu Ronaldu? Agar sog‘ bo‘lsa, «Selta»ga qarshi o‘ynaydi. U biroz lat yegandi, jiddiy narsa emas» - dedi Zidan klub saytining xabarida.
«Selta» – «Real» o‘yini bugun soat 00:45da boshlanadi.
