«Реал» бош мураббийи Зайниддин Зидан Испания кубогининг чоракфиналидан ўрин олган «Сельта» клубига қарши жавоб ўйинидан олдин ўз фикрларини билдирди.
Дастлабки ўйинда Мадрид клуби 1:2 ҳисобида ютқазган эди.
«Испания кубогини тарк этиш «Реал» учун катта муваффақиятсизлик бўлмайди. Бу ҳақда умуман ўйламаяпман.
Айни пайтда диққат-эътиборимни бу ўйинга қаратганман. Афсуски бизда жуда кўп жароҳат олганлар бор. Бу эса ғалаба қозониш вазифасини оғирлаштиради.
Криштиану Роналду? Агар соғ бўлса, «Сельта»га қарши ўйнайди. У бироз лат еганди, жиддий нарса эмас» - деди Зидан клуб сайтининг хабарида.
«Сельта» – «Реал» ўйини бугун соат 00:45да бошланади.
