«Liverpul» klubining sobiq sardori Stiven Jerrard yarimhimoyachi Filippe Koutinyoni jamoani muvaffaqiyatga olib kelishiga ishonadi.
«Har bir jamoa yetakchilarini saqlab qolishga harakat qiladi, bu mantiqan to‘g‘ri. Koutinyo ham shular jumlasidan. U so‘nggi yillarda jamoaning yetakchisiga aylandi, dunyo savyaisidagi futbolchi bo‘lib yetishdi.
Koutinyo – ajoyib futbolchi. U to‘p bilan juda zo‘r muomala qilmoqda. Mana shunday o‘yinchilar atrofida murabbiylar jamoani barpo qilishni istaydi.
Agar «Liverpul» yaqin kelajakda muvaffaqiyat qozonsa, Koutinyo unda hal qiluvchi rolni bajaradi» - dedi Jerrard Goal xabarida.
