«Ливерпуль» клубининг собиқ сардори Стивен Жеррард яримҳимоячи Филиппе Коутиньони жамоани муваффақиятга олиб келишига ишонади.

«Ҳар бир жамоа етакчиларини сақлаб қолишга ҳаракат қилади, бу мантиқан тўғри. Коутиньо ҳам шулар жумласидан. У сўнгги йилларда жамоанинг етакчисига айланди, дунё савяисидаги футболчи бўлиб етишди.

Коутиньо – ажойиб футболчи. У тўп билан жуда зўр муомала қилмоқда. Мана шундай ўйинчилар атрофида мураббийлар жамоани барпо қилишни истайди.

Агар «Ливерпуль» яқин келажакда муваффақият қозонса, Коутиньо унда ҳал қилувчи ролни бажаради» - деди Жеррард Goal хабарида.